عايز تتعلم الرخامه فى المنتديات ادخل واتعلم

اوعي حد يحاول يجرب هنا
:evil: :evil: :evil: :evil: :evil: :evil: :evil: :evil: :evil:


ازاى تبقي رخم فى المنتديات


أدخــل أي منتدى واكتب أي موضــوع مالوش دخل بالمنتدى اصلا >> الموضوع في وادي والمنتدى في وادي,,

مثال >> اكتب موضوع رياضي بس في >> منتدى الترفيه


ويا سلام بقى لو كتبت ليه (( ارجــوا التثبيـت )) يكون لها طعم أحسن

وتكون كدا عملت دماغ عالية جدا

وتبقى واد كفاءة ومن الاخر يعني

-------------------


خد موضوع لسه معمول حالا في المنتدى

واكتبه انت برضو

وحطه في نفس المنتدى بنفس الاسم

ويا سلام بقى لو اللى كان حاطط الموضوع دا موجود اونلاين على المنتدى ولا حاجة

ولا لو كان الموضوع دا لمشرف او مشرفو مشهورين


تبقى انت كدا ضمنت الطرد يا زميلي


خلى بالك انا قلت لك انا مليش دعوة بيك

يعني لو انا قلت لك ارمى نفسك في البحر هترمى يعني


-------------------


ادخل المنتدى ومتحطش ولا رد او بلاش تشارك اصلا

وكل شوية ترشح نفسك للاشراف

او تفضل تسأل انت ليه عضو مش فعال او مميز

وكل شوية تفتح توبيك تهاجم سياسة المنتدى

وان المنتدى ماشي بالواسطة بقى

دا انت لو عملت كدا هتبقى رخم رخامة

وانا طبعا اول واحد هيرد عليك

ومش بعيد اطرك من المنتدى كمان

هههههههههه
-------------------


الفكرة دى بقى جامدة جدا على فكرة

اكتب موضوع في منتدى الشكاوى والاقتراحات

الحقوني يا شباب

طبعا المشرف هييجي طاير عشان يشوف ايه المشكلة

اكتب في الموضوع ان النتيجة واحد - صفر ليك
عشان انت كدا بتشتغله بس

وقدامها صورة واحد بيضحك



اشتغالة جامدة صح

-------------------


ادخل رد على المواضيع القديمة جدا جدا

والتى عفا عليها غبار الزمن



وخلى المواضيع الجديدة تنزل تحت

انت كدا بتقلب المنتدى وبتضيع مجهود الاعضاء

وكلهم بيبقوا عاوزين يقتلوك طبعا


------------------

شوف لك مشرف أو مشرفه وتلزق فيه......... كل يوم أربعت له رسائل خاصة تقـول له
ايه رأيك في الموضوع الفلانى

ياريت ترد عليا

او شرف ليا انك تمر على الموضوع بس



هنا بقى المشرف هييكره اليوم اللي خلـوه فيه مشــرف

-----------------

دقق في أملاءات المشرفين... ورد عليهم فقط لتصحيح الإملاءواوعى اصلا تجيب سيرة الموضوع

الا ازعل من والله
-----------------

وعندما تصـل حالة تهـورك إلى درجــة الغليــان كل اللى عليك


عند تعيين أي مشرف جـديد ... أبدا بالكلام عن الواسطة وأنه ما يستاهل ولمح أن الإدارة كلها وسايط وكوسة

وان الكوسة مليت البلد وكدا يعني


-----------------

واحب ابلغكم بقى

ان اللى هيعمل كدا في منتدانا

انا اللى هطرده

اوعوا حد يفكر يعمل كدا

كده إنتهت الحصة الثانيةواللى عنده أى إضافة مفيش مانع
أهو معلومة ونستفيد منها كلنا

درس خصوصى مجانى أهو للى عايز يتعلم